Gen 26 | Ndebele | STEP | Kwasekusiba khona indlala elizweni, ngaphandle kwendlala yakuqala eyayikhona ensukwini zikaAbrahama . UIsaka wasesiya kuAbhimeleki inkosi yamaFilisti , eGerari.

1 Kwasekusiba khona indlala elizweni, ngaphandle kwendlala yakuqala eyayikhona ensukwini zikaAbrahama ^a. UIsaka wasesiya kuAbhimeleki ^b inkosi yamaFilisti ^c, eGerari. 2 INkosi yasibonakala kuye, yathi: Ungehleli eGibhithe, hlala elizweni engizakutshela lona ^d; 3 hlala njengowezizwe kulelilizwe ^e, futhi ngizakuba lawe ^f ngikubusise ^g; ngoba ngizanika wena lenzalo yakho wonke lamazwe ^h, ngiqinise isifungo engasifunga kuAbrahama uyihlo ⁱ. 4 Ngizakwandisa inzalo yakho njengenkanyezi zamazulu ^j, ngizanika inzalo yakho lamazwe wonke; lenzalweni yakho zizabusiswa izizwe zonke zomhlaba ^k; 5 ngalokhu ukuthi uAbrahama walalela ilizwi lami ^l, wagcina ukulaya kwami, imilayo yami, izimiso zami lemithetho yami.

6 UIsaka wahlala-ke eGerari. 7 Amadoda aleyondawo asebuza ngomkakhe. Wasesithi: Ungudadewethu; ngoba wesaba ukuthi: Umkami ^m. Hlezi amadoda aleyondawo angibulale ngenxa kaRebeka, ngoba wayekhangeleka kuhle ⁿ. 8 Kwasekusithi esehlale khona isikhathi eside, uAbhimeleki inkosi yamaFilisti walunguza phansi ngewindi, wabona, khangela-ke, uIsaka wayedlala loRebeka umkakhe. 9 UAbhimeleki wasembiza uIsaka, wathi: Isibili, khangela, ungumkakho; utsho ngani ukuthi: Ungudadewethu? UIsaka wasesithi kuye: Ngoba ngathi, hlezi ngife ngenxa yakhe. 10 UAbhimeleki wasesithi: Kuyini lokhu okwenze kithi? Bekulula ukuthi omunye wabantu alale lomkakho; ubususibeka icala ^o. 11 UAbhimeleki waselaya wonke umuntu, esithi: Othinta lindoda lomkayo uzabulawa isibili.

12 UIsaka wasehlanyela kulelolizwe, wathola ngalowomnyaka okuphindwe kalikhulu; iNkosi yasimbusisa ^p. 13 Lowomuntu waba mkhulu, waqhubeqhubeka waba mkhulu waze waba mkhulu kakhulu. 14 Njalo wayelemfuyo yezimvu lemfuyo yezinkomo lenceku ezinengi; ngakho amaFilisti aba lomhawu ngaye ^q. 15 Lemithombo yonke izinceku zikayise ezaziyigebhile ^r ensukwini zikaAbrahama uyise, amaFilisti ayeyivalile, ayigcwalisa ngenhlabathi. 16 UAbhimeleki wasesithi kuIsaka: Suka kithi, ngoba ulamandla kakhulu kulathi ^s.

17 UIsaka wasesuka lapho, wamisa inkamba esigodini seGerari, wahlala khona. 18 UIsaka wabuya waphanda imithombo yamanzi ababeyigebhile ensukwini zikaAbrahama uyise, ngoba amaFilisti ayeyivalile emva kokufa kukaAbrahama. Wayibiza amabizo ngamabizo uyise ayewabizile ^t. 19 Izinceku zikaIsaka zasezigebha esihotsheni, zathola khona umthombo wamanzi agobhozayo ^{▼▼ agobhozayo: Heb aphilayo.}. 20 Njalo abelusi beGerari babangisana labelusi bakaIsaka, besithi: Amanzi ngawethu ^v. Ngakho wabiza ibizo lomthombo iEseki ^{▼▼ iEseki: okuyikuthi, ukuphikisana.}, ngoba baphikisana laye. 21 Zasezigebha omunye umthombo, lalowo-ke bawubanga. Wasebiza ibizo lawo iSitina ^{▼▼ iSitina: okuyikuthi, ukuzonda.}. 22 Waseqhubeka wasuka lapho, wagebha omunye umthombo, kodwa lowo kabawubanganga. Wasewubiza ibizo lawo iRehobothi ^{▼▼ iRehobothi: okuyikuthi, indawo.}, wathi: Ngoba iNkosi isisenzele indawo, futhi sizakuba lesithelo elizweni ^z.

23 Wasesenyuka lapho waya eBherishebha. 24 INkosi yasibonakala kuye ngalobobusuku yathi: NginguNkulunkulu kaAbrahama uyihlo ^aa. Ungesabi ^ab ngoba ngilawe ^ac, ngizakubusisa ngiyandise inzalo yakho ngenxa kaAbrahama inceku yami. 25 Wasesakha khona ilathi ^ad, wabiza ebizweni leNkosi, wamisa khona ithente lakhe, lenceku zikaIsaka zagebha khona umthombo.

Isivumelwano sikaIsaka loAbhimeleki

26 UAbhimeleki wasesiya kuye evela eGerari loAhuzathi umngane wakhe loFikoli ^ae induna yebutho lakhe. 27 UIsaka wasesithi kubo: Lizeleni kimi, lokhu liyangizonda, lingixotshile kini ^af? 28 Basebesithi: Sesibonile lokubona ukuthi iNkosi ilawe. Ngakho sathi: Ake kube khona isifungo phakathi kwethu, phakathi kwethu lawe, asenze isivumelwano lawe ^ag, 29 sokuthi ^{▼▼ sokuthi: Heb uba uzasenzela okubi.} ungasenzeli okubi, njengoba singakuthintanga, njengoba sikwenzele okuhle kuphela, sakuyekela wahamba ngokuthula; wena khathesi ungobusisiweyo weNkosi ^ai. 30 Wasebenzela idili, basebesidla banatha ^aj. 31 Basebevuka ekuseni kakhulu, bafungisana omunye komunye ^ak; uIsaka wasebayekela bahamba, basuka kuye ngokuthula. 32 Kwasekusithi ngalolosuku izinceku zikaIsaka zafika, zambikela mayelana lomthombo ezaziwugebhile, zathi kuye: Sithole amanzi. 33 Wawubiza ngokuthi yiShebha ^{▼▼ iShebha: okuyikuthi, isifungo.}; ngakho ibizo lomuzi liyiBherishebha ^{am
,} ^{▼▼ iBherishebha: okuyikuthi, umthombo wesifungo.} kuze kube lamuhla.

34 Kwasekusithi uEsawu eseleminyaka engamatshumi amane wathatha umfazi uJudithi indodakazi kaBeri umHethi, loBasemathi indodakazi kaEloni umHethi ^ao. 35 Lalaba baba lusizi ^{▼▼ lusizi: Heb okubabayo.} lwawo umoya kuIsaka loRebeka ^aq.